Roxas City, Capiz – Arestado ang tatlo ka mga persona sa Sitio Ilawod Brgy Tanque Roxas City sa ginkasa nga buy bust operation sang mga kapulisan sa pagpanguna ni Police Supt. Julius Balano sang Provincial Drug Enforcement Unit(PDEU) sang Capiz PPO.
Ginkilala ang subject person kay Beltran Villas y Abool, 55-anyos ang pang-edaron sang Poblacion Jamindan Capiz samtang kalakip man sa ginpang-arestar ang kaupdanan sini nga sanday Louxxanne Tumandao kag Niño Estores y Aldea, 33-anyos nga lunsay mga residente sang Sitio Ilawod Brgy Tanque, Roxas City.
Narekober sa nasambitan nga mga persona ang duha ka sachet sang suspected shabu, isa ka libo ka pesos nga buy bust money, aluminum foil, disposable lighters kag cellphone.
Ang amu nga mga persona ang magapangatubang sang kaso nga pagbayolar sa RA 9165 ukon Comprehensive Dangerous Drugs Act of 2002.
