Roxas City, Capiz- Nagpatigayon sang orientation ang mga personnel sang Regional Civil Security Unit-6 sa mga police non-commissioned officers(PNCOs) sang Capiz PPO may kaangtanan sa LTOPF Online Application.
Ini ang ginpangunahan nanday PSSUPT Jomil John Trio kaupod si PSINSP Ismael Gandarosa.
Gintalakay ni PSINSP Gandarosa kun paano ang pag-proseso para sa pag-apply sa Online sang License To Own and Possess (LTOPF) pinaage sa Firearms and Explosives Office (FEO) Website.
Samtang gin-emphasize naman ni PSSUPT Trio nga dapat ang tanan nga mga tag-iya sang armasluthang ang mag-secure sang LTOPF indi lamang ang mga sibilyan kundi ang tanan nga membro sang law enforcement agencies.
Ang nasambitan nga aktibidad ang kabahin lamang sang kampanya sang kapulisan nga “Tokhang Kontra Ginadumilian Nga Pusil” (TKGP) kag ang kampanya konta loose firearms sang Capiz PPO.
photo © Capiz PPO PCR
