KAMPANYA KONTRA INSURHENSIYA |Pagpasangkad sang kampanya batuk sa Communist Insurgency, pagatutukan sang bag-o nga Division Commander sang 3rd ID, Philippine Army

Jamindan, Capiz – Pormal na nga nag-asyumar bilang bag-o nga Acting Commander sang 3rd Infantry Division, Philippine Army si BGEN ERIC C VINOYA. Sa ginpatigayon nga Change of Command and Retirement Ceremony sang 3rd ID, Philippine Army sa Camp Macario Peralta Jr. sa banwa sang Jamindan, Capiz, kaina sang aga, ginpahayag ni Vinoya nga pagapasangkaron pa sini ang kampanya sang militar batuk sa communist insurgency sa ila nasakupan, partikular sa Western kag Central Visayas. Suno diri nga dako ang papel sang mga local government units sa probinsya kag mga kabanwahanan agud mapalab-ot kag mabatyagan ang serbisyo sang gobyerno sa mga pomuluyo agud malikawan nga magrebelde ang mga ini.
Naghatag man sang mensahe si BGEN ERIC C VINOYA sa mga katapo sang CPP-NPA kag iban pa nga rebelde nga grupo nga duha gid lamang ang pagapilian sang mga ini, una magsungka sa mga kasundaluhan kag mag-avail sang mga programa sang gobyerno kag ang ikaduha, mapatay nga wala sang pulos kag kabilinggan ang kabuhi.
Ginpasalig man ni Vinoya nga pagapadayunon sini ang mga programa ni MGEN DINOH A DOLINA nga iya gintal-usan matapos nagretiro na ini sa serbisyo.

Facebook Comments