Sa post ni Ronnel Palban, nakuha na ang hustisya sa Tagumenyos nga nakawatan og mga butang human nasikop ang lalaking gituohang maoy tigpangawat og mga kabtangan sa syudad.
Sa impormasyong gipadala sa DXDC RMN Davao gikan kang Police Lieutenant Evelyn Tidula, ang Public Information Officer sa Tagum City Police Station, nadakpan si Alvin Soriano sa Capitol Compound, Mankilam, Tagum City gahapon, May 23, 2024.
Nasikop kini sa otoridad human nga nasakpang adunay dalang armas ug sa dihang walay ikapakitang dokumento, gilayon kining gidala sa kostudiya sa Tagum City PNP.
“Mao nay #1 kawatan diha sa capitol malas lang niya kay naispatan dayon namo xa pagsulod sa gate 4 nagtoo ug nangatulog ang mga sekyu,” komento pa ni Mark Balangauan.
RadyoMaN Ivy Parido
