Kampanya kontra reckless driving gipakusgan

Davao City – Tungod sa wala tuo nga mga nahitabong disgrasya sa kadalanan nga nisangpot pa sa kamatayon sa mga pasahero’g driver hugot nga ipatuman karon sa Land Transportation Office XI ug DCPO Traffic Group ang kampanya kontra reckless driving.

Sa interbyu sa RMN Davao kang LTO XI Regional Director Atty. Gomer Dy nga sagad sa mga hinungdan sa disgrasya ang mga drivers mismo nga walay pagtahod sa mga balaod trapiko.

Subling gipahimangno ni Dy ngadto sa mga drivers nga iobserba ang mga balaod trapiko ug i-check ang mga sakyanan una mubyahe.


Samtang, segun ni PLtCol. Nolan Raquid labaw sa Dcpo Traffic Group nga nagpakatag na siya og mga personahe sa syudad aron maoy manakop sa mga badlungong drivers.

Gipakusgan usab nila ang One Time Big Time Operation sa mga kadalanan.

Gihulat karon sa DCPO Traffic Group nga maaprubahan usab ang ilahang mga gipang-request nga speed guns sa lokal nga panggamhanan aron mao kiniy gamiton diha sa pagpanakop sa mga highways batok niining mga drivers nga wala mutuman sa ginatumang speed limit sa lungsod.

RadyoMaN Aimee Guinita

Facebook Comments