Davao City – Tadtad sa bala ang usa ka tricycle driver human kini gipusil sa wala mailang gunman sa Bonifacio St., Brgy. NCO, Padada, Davao del Sur.
Igo lamang naghatod og pasahero ang biktima nga si Jeffrey Anticamara, 26 anyos gikan sa South Davao Hospital Padada apan pag-abot niini sa San Miguel Parish Church nikanaog ang wala mailang mamumuno sa motor og gipusil ang biktima.
Gideklara ang biktima nga dead on arrival sa South Davao Hospital.
Gisumite ngadto sa to Provincial Crime Laboratory Office, Digos City ang mga narekober nga gituohang mga basyo sa.45 nga pistola.
Padayong giimbestigahan karon sa kapulisan sa Padada ang motibo sa pagpusil patay sa biktima ug nikasa na og follow-up investigation sa pag-ila sa mga suspek.
RadyoMaN Aimee Guinita
