Gibutyag ni SFO4 Ramil Gillado, Davao City Fire District Intelligence and Investigation Section chief, namatay tungod nanga-trap ang mga biktima sa ilahang mga panimalay atol sa sunog.
Sa datos sa DCFD, nidoble ang ihap sa namatay karong tuiga.
Ang pinakaunang natalang namatay sa sunog nga natigayon niadtong Abril 25 sa Brgy. Calinan ning syudad tungod kini sa arson, ikaduhang biktimang namatay sa sunog niadtong Mayo 16 sa Matina Crossing, Davao City, namatay usag sa sunog sa El Rio, Phase 1 ang ikatulong biktima, samtang ang ikaupat sa Brgy. Indangan, Buhangin nga sunog, ikalimang biktimang namatay mao ang batang babae sa sunog sa Boulevard nga tungod sa nabiyaang kandila ug ikaunom nga namatay sa sunog sa R. Castillo St., Agdao nga posibleng tungod sa sigarilyo.
“Gi-remind nato ang atong katawhan og balik para sa atong safety, in case kung sa tan-aw nato nga dako na kaayo ang kalayo dili na nato i-attempt nga palungon ug mugawas na gyod ta sa atong mga balay. Sagad sa mga namatay nato naa silay gipangbalikan maong wala sila nakagawas og balik mao ni siyang nakita nato nga record, nigawas unya nibalik kay naay kuhaon mao to siyang mga nangamatay sa sunog karong tuiga,” sumala niini.
Hugot nga nanawagan ang BFP 11 sa publiko nga magdoble igmat ug dili pasagdan ang mga kandila, sigarilyo, mga niluto, susihon ang mga linya sa kuryente ug dili pasagdaan ang mga appliances nga mag overheat aron makalikay sa sunog.
RadyoMaN Aimee Guinita
