Kinilala an biktima nga hi Gino Paglinawan, 19 anyos sugad man an kaupod hine nga hi Toriano Paglinawan, 22 anyos nga residente han nasabi nga lugar.
Ha impormasyon nga nakuha tikang ha Leyte MPS, an mga biktima in nakaturog sulod han ira panimalay dida han tigda umabot an duha nga suspek ngan ginparatratan hin bala an ira panimalay.
Naigo an mga biktima ha magkalain-lain nga parte han ira lawas kun diin dayon ine nga igin kadto ha Carigara District Hospital ngan kataliwan igin balhin ha EVRMC hospital an kandidato.
Dayon naman nga kumalagiw an mga suspek tipakadto ha bukid nga parte han mao nga lugar mahuman mabuhat an krimen.
Subay ha inisyal nga imbistigasyon, nagawas nga personal nga dilito an hinungdan han mao nga krimen.
Nagpapadayon naman yana an imbistigasyon ngan drag net operation nga ginbubuhat han mga kapulisan agud maaresto an nagpapaluyo ha mao nga krimen.
#ifmrmntacloban #RMNTaclobanNewsToday #rmntacloban #TatakRMN
