Way epekto sa kampanya sa kapolisan sa syudad sa Sugbu ang pagtibugsok sa net satisfaction ug trust rating ni Presidente Rodrigo Duterte sa pinakauwahing survey sa Social Weather Stations kon SWS.
Giklaro ni Cebu City Police Office chief , Sr. Supt. Joel Doria nga nagpabilin ang pagsalig sa kapolisan ngadto sa presidente ug taas ang morale sa PNP sa kasamtangang administrasyon.
Gitumbok ni Doria ang igong suporta sa gobyerno ngadto sa kapolisan sama sa pagtaas sa ilang suweldo ug uban pa.
Gipasigarbo ni Doria ang kalamposan sa CCPO sa pagsikop sa sobra usa ka libo ka mga criminal ubos sa “Oplan Pokemon” o one time ,big time operation nga gilusad sa PNP sukad sa niaging tuig dinhi sa dakbayan sa Sugbu .
Facebook Comments
