POLICE BRUTALITY: PULIS Butuan nangulata ug lechonero

944

Usa ka PULIS ang gireklamo sa pagpangulata sa usa ka mang lechonay sa Barangay Ampayon, Butuan City sa miaging adlaw.
Nagpablotter sa Police Station 4 ang bitkima nga si Armelito Soriano, 39 anyus, minyu, residenti sa P-4, brgy. Ampayon ning dkabayan sa Butuan ug usa ka lechonero.
Ang pulis nga gireklamo sa pagpangulata giila nga si PO2 Narzalye Muñez, 37 anyus, minyu kinsa nadestino sa Butuan City Public Safety Company ubos sa Butuan city Police Office (BCPO).
Sa inisyal nga imbistigasyon nasayran nga adunay reklamo si PO2 Muñez sa gi-order niining lechon tungod kay gikuhaan ug lumo ug gusuk, apan gilayung gipukpuk sa maong pulis ang ulo sa biktima gamit ang gibitbit niing pusil atubangan sa iyang anak ug asawa.
Nahitabu ang insidenti bandang alas 3:30 sa hapon niadtong Sabado didto sa P-4, brgy. Ampayon ning syudad.
Dugang nasayran nga buot unta nga makig-areglo ang pulis ngadto sa biktima apan desidido kini mopasaka ug kaso batok sa abusadong pulis kinsa kasamtangang nabalhug sa karsel sa Police Station 4.
Niabot na sa buhatan ni PCSupt. Rolando Felix, PNP Caraga Reg’l Director ang insidenti nga usa ka pulis ang nangolata ug lechonero didto sa brgy. Ampayon ning syudad sa Butuan.
Sigun ni PCI Rennel Serrano, spokesman sa PRO 13 nga human sa insidenti niadtong adlaw’ng Sabado iya gilayung gipaabot ni PCSupt. Felix ang impormasyon ug nasayran nga gipaagi dayun sa inquest proceeding ang pagpasaka ug kasong physical injury batok kang PO2 Narzalye Muñez.
Niya pa nga dili molaban ang kadagkoan sa PNP sa mga insidenting pag-abuso sa kapulisan ug andam kining imbistigahan sa Internal Affairs Service sa PNP.
Hinoon giklaru ni PCI Serrano nga isolated case lamang ang sama sa maong insidenti.



Facebook Comments