Wa na modepensa ang hepe sa Police Regional Office-7 sa pahayag ni Cebu City Mayor Tomas Osmeña nga magpadayon ang problema sa ilegal nga drugas sa nasud , tungod kay mahadlok si Presidente Rodrigo Duterte sa China .
Matud ni PRO-7 Director Robert Quenery dili apektado ang kapolisan sa pahayag sa Mayor ug alang kanila trabaho sa mga pulis ang pagsumpo sa ilegal nga drugas .
Una nang gipahayag ni Osmena nga daku na ug nahimo si Presidente Duterte sa kampanya batok sa drugas , apan magpabilin kining maong problema kung di kini mohimo ug konkretong lakang batok sa China .
Nagtoo si Osmena nga ang China ang tinubdan sa daghang ilegal nga drugas dinhi sa nasud.
Facebook Comments
