Davao City – Nagpadayon karon ang drug clearing operation sa mga barangay kabahin sa nagpadayong kampanya batok sa gidiling droga.
Sumala ni Davao City Anti-Drug Abuse Council (CADAC) Program Director Ronaldo Rivera, mamahimong madeklara ang usa ka barangay nga drug-free kung wala nay drug pusher nga madakpan.
Alayon niini, diha sa mga eskwelahan aduna nay mga Drug Education Modules aron magamit sa pagpasabot ug pag-edukar sa mga estudyante kabahin sa gidiling droga.
Matud ni Rivera, taas-taas pa gayod nga panahon ang igahin niining kampanya batok sa illegal drugs tungod kay usa sa hinungdan kung nganong mobaligya sa droga ang usa ka tawo tungod sa kawad-on.
RadyoMaN Bernard Pantallon
Facebook Comments
