Kampo ni Mayor Moreno, andam na alang sa pagfile sa COC

Andam na ang kampo ni CDO City Mayor Oscar Moreno alang sa pag file niini sa ilang Certificate of Candidacy o COC karong adlawa.

 

Nasayran nga gikan sa unang plano nga magtapok sa Cathedral alang sa himuon nga misa, ayha mubaklay padulong sa Comelec aron pag file sa COC.

 

Ang mga District 1 candidates, ang magmartsa gikan sa Barangay Hall sa Carmen padulong sa Cathedral agi sa Vamenta to Ysalina Bridge.


 

Samtang ang mga kandidato sa District 2 maggikan sa Barangay 17 sa Abellanosa street agi sa Velez Street paingon sa Cathedral.

 

Sugdan ang maong martsa, alas 7 karong buntag ug mga alas 8 sa buntag himuon ang usa ka santos nga misa sa San Agustin Cathedral nga pangunahan ni Msgr. Perceus Cabunoc.

 

Human sa misa, magmartsa ang mga candidates ug supporters padulong sa Comelec alang sa pag file ug himuon ang meet and greet sa 3rd floor city hall bridge.

 

Mahinumduman nga una na nga gipadayag ni Mayor Moreno ang iyang line up na nag langkob na nilang Vice Mayor Kikang Uy, kinsa subli nga magpapili pagka bise mayor, Amahan niini nga si Klarex Uy nga subling magpapili pagka kongresista sa unang distrito, Kagawad Alam Lim nga magpapili pagka kongresista sa ikaduhang distrito.

 

Samtang sa pagka konsehal sa unang distrito, gilangkoban kini nilang Zaldy Ocon, Jay Roa Pascual, Romeo Calizo, Inday Dahino, Reuben Daba, George Goking, Jun Daba, ug Rober Abaday.

 

Sa ikaduhang distrito, gilangkoban kini nilang Malou Gaane, Suzette Magtajas-Daba, Ian Mark Nacaya, Bong Lao, Ed Cabanlas, Andrew Meliza, Eric Salcedo ug Girlie Balaba.

Facebook Comments