Davao City – Gikumpirma karon sa kasundaluhan nga adunay nahitabong gyera batok New People’s Army ug militar sa Lanngawisan 1, Baranvay Ompao, Tarragona Davao Oriental ganinang alas-9:35 sa buntag.
Base sa report sa 10th ID, Ang 60 ka mga sakop sa CPP-NPA gituohang sakop sa PBC6 ug PBC8.
Ang maong binakbakay milungtad og 45 ka minutos apan human niini mi-withdraw ang NPA ug misibat sa nagkalahi-lahing direksyon.
Walay natala nga casualty sa gobyerno apan wala usab nasuta kung adunay nasamdan nga sakop sa NPA.
Narekober sa kasundaluhan ang 8 ka mga improvised kitchens, 1 ka M16 rifle, Electrical Wire, 1 EID, batteries, 3 ka blasting caps,medical supplies ug uban pa.
Subay niini dako ang pasalamat ni 10th ID Commander Major General Noel Clement sa mga residente sa Tarragona sa ilang kanunay nga koordinasyon sa kasundaluhan batok sa mga terrorist activities sa ilang lugar.
Sa karon padayong nagpahigayon og hot pursuit operation ang kasundaluhan batok sa mga miikyas nga mga rebelde.
RadyoMaN Abi Bibera
