General Santos City–Nagpahigayon ug kampohan ang pipila ka mga ginikanan, mga magtutudlo ug estudyante sa lumad school, inabagan sa Save Our School (SOS) Network atubangan sa Dep-Ed Regional Office sugod kagahapong adlawa.
Sumala ni Rius Valle, spokesperson sa Save Our School Network nga ilang gipanawagan sa Dep-Ed Regional Office-12 nga hatagan ug permit to operate ang mga lumad school nga nahimutang sa pipila ka lugar sa Rehiyon 12.
Pagbutyag niini nga dungan sa ilang aktibidad kagahapong adlawa, ilang gipresentar ang resulta sa gihimong National Fact Finding Mission kalabutan sa mga human rights violations nga gihimo matud pa sa militar sa pipila ka lugar sa rehiyon.
Apil gipresentar ang mga kaso sa peke nga pagsurender matud pa sa gikaingong miyembro sa NPA apil na ang pagpang-atake sa mga lumad schools sa Kalamansig, Sultan Kudarat.
