General Santos City–Gipaklaro ni Ali Macalintal, Secretary General sa grupong Karapatan nga wala gyud nahatagan ug pagtagad sa Dep-ed Regional Office 12 ang yangongo sa mga estudyante ug magtutudlo sa lumad school sa rehiyon nga sila hatagan ug permiso.
Nasayran nga sa nakalabayng gabie nibiya nalang atubangan sa Dep-ed Regional Office ang mga lumad nga nagpahigayon ug kampuhan sa maong lugar.
Rason sa ilang paghawa dili tungod nga sila gikapoy na sa pagpasibaw sa ilang yangongo kon dili aron ihatud sa iyang panimalay ang patayng lawas sa usa ka lumad nga nakabsan ug kinabuhi human giataki samtang nagpahigayon ug kampuhan atubangan sa dep-ed.
Gihingusgan usab ni Ali Macalintal nga bisan giundang na nila ang gihimong kampuhan atubangan sa dep-ed ila gihapong ipadayon ang pagpakigbisog sa katungod sa mga kabataang lumad nga makabaton ug edukasyon.
Sa karon temporaryo lang una silang nihawa sa lugar gumikan kinahanglan pa nilang ipahiluna ang patayng lawas sa lumad nga nakabsan ug kinabuhi atol sa kampuhan.
Apan sumala pa nga laumang mas mudaghan pa ang mga katawhang lumad nga musalmot sa ilang pagsinggit batok sa ahensya sa gobyernong mihikaw matud pa sa katungod sa mga kabataang lumad.
