TACLOBAN CITY – Napatay an kanang kamay ni Kerwin Espinosa ha ginbuhat nga operasyon han Regional Drug Enforcement Unit, Ormoc City Police Office, ngan Leyte Police Provincial Office ha Purok 3, Brgy. Bantigue, Ormoc City.
Base ha report han Police Regional Office 8, nagpagawas hin warrant of arrest an nga otoridad ha kaso nga murder kan Max Miro alyas Max, ada na ha sakto nga pangidaron, waray trabaho residente han Albuera, Leyte ngan temporaryo nga nag uukoy ha Brgy. Bantigue, Ormoc City.
Dida han gindadakop na hi Miro in tigda nala daw ginbunlot hini an iya pusil ngan ginpabuthan an mga myembro han operating team. Bumulos naman an mga kapulisan rason han pagka-igo han suspek ha magkadurudilain nga parte han iya lawas.
Dayon naman nga gindara ha hospital an suspek pero ini in gin-anunsyo na nga dead on arrival.
Narecober han SOCO ha suspek an usa nga caliber 45 nga may 4 nga live ammo, 1 nga empty shell han cal .45 ngan 6 nga fired cartridge han caliber 5.56.
