Usa ka Butuanon ang finalists sa Miss Philippines 2017 nga si Ms. Mary Fern dela Peña, ang contestant number 8 nga residenti sa brgy. Baan Riverside ning syudad sa Butuan.
Si Ms. Dela Peña ang nakoronahan sa Ms. Cabadbaran 2017 ug naningkamot nga makasulod sa Miss Philippines dala ang garbu gikan sa dakbayan sa Butuan, kinsa gikoronahan isip Ms. Philippines Quincentenario 2017 ug Ambassadress of the Philippines for 500 Year.
Apan daku ang kasigmuyu sa Manager ug pamilya ni Ms. Dela Peña sa kagamhanang local sa dakbayan sa Butuan human walay suporta nga gihatag anga syudad sa maong kandidata. Sa facebook post sa Manager gibutyag niya nga nagbalik-balik siya sa City Hall aron mangayu ug suporta ug igu lang gipasa-pasa siya sa buhatan sa City Tourism apan walay naani sa ilang paningkamot tungod kay bisan ug gown walay natabang ang LGU Butuan.
Bisan streamers sa kadalanan sa Butuan walay makita nga nagpakita sa suporta ngadto kang Ms. Dela Peña. Gikabutyag nga nibalibad sumala pa ang City Tourism sa pagsuporta tungod kay dili MutyaHong Butuan si Ms. Dela Peña.
Daku hinoon ang pasalamat sa manager ni Ms. Dela Peña tungod sa tabang nga gihatag sa PDP Laban ug sa LGU Cabadbaran ngadto sa ilang kandidata dungan sa pagbutyag nga nagbasol sila nga Butuan city pa ang gidala nga lugar ni Ms. Dela Peña.
Sa Pagkakarun wala pay tuba gang city government of Butuan sa mao nga impormasyun.
