Indi pa tanan nga mga kandidato sa Sangguniang Kabataan nga nagpapili sang Mayo 14 nga eleksyon ang napadal-an sang notice halin sa Commission on Election ukon Comelec national nga nagadeklarar nga overage ukon uderage age sila rason sang nga diskwalipikasyon kag indi makapungko sa pwesto kon nagdaug tungod by batch man ang pagpadala sang komisyon.
Apang suno kay Atty. Jay Gerada, Election Supervisor sang South Cotabato ang pipila ang nakabaton na kag ginapa-eksplikar sa sulod sang tatlo ka adlaw kag magahulat na lang sang pinal nga resolusyon sa ila nga kaso.
Samtang sa pamangkot kon sin-o ang magbulos sa SK Chairperson kag Kagawad nga nagdaug suno kay Atty. Gerada mabalhag ini sa ipaggwa nga resolusyon sang komisyon sa kaso sang nasambit nga mga opisyal.
Nahibaluan nga base sa consolidated list sang overage kag underage nga kandidato sa Sangguniang Kabataan nga nagfile sang Certificate of Candidacy para sang Mayo 14 nga eleksyon naglab-ot ang mga ini sa 62 sa diin 12 sa banwa sang Polomolok, duha sa Tampakan, 14 sa Lake Sebu, 1 sa Surallah, 25 sa T`boli kag 8 sa syudad sang Koronadal.
Sa nasambit nga numero sang overage kag underage nga mga Sk candidates ang pipila dire ang nagdaug sang Mayo 14 nga Barangay kag SK eleksyon.
