Davao City- Sikop sa Philippine Drug Enforcement Agency kun PDEA XI ang usa ka kanhi Brgy. Kapitan human gilusad ang Entrapment Operation alas 9:30 sa buntag kagahapon didto sa Brgy. Communal, Buhangin siyudad sa Davao.
Subay sa report sa PDEA XI, ang dinakpan kasamtangang Barangay Kagawad sa nasangpit nga Brgy ug kanhi Barangay kapitan nga mao si Arnold Maalat, 48 years old.
Nakuha gikan sa possession sa dinakpan ang usa ka sachet sa gituohang “shabu”, lain pang usa ka dako nga pack ug tulo ka gagmay nga sachet sa suspected shabu nga gibana-banaang mutimbang sa forty grams ug mukantidad og 480,000 pesos lakip narekober ang assorted drug paraphernalia, usa ka 9mm ug duha ka HO MM live grenade launcher.
Sa karon, balhug na sa detention facility sa PDEA XI ang dinakpan ug giandam na ang mga kasong gisupak niini nga mao ang Section 5, Section 11 ug Section 15, Article II of Republic Act 9165 kun the Comprehensive Dangerous Drugs Act of 2002, Republic Act 9516 ug Republic Act 10591 gani og mapamatud-an nga guilty ang kagawad sa maong binuhatan, maximum penalty sa giingong unlawful act ang ipahamtang batok kaniya dugang pa ang diskwalipikasyon gikan sa public offices nga nakasulat sa Article II, Section 28 (Criminal Liability of Government Officials and Employees) of Republic Act 9165.
RadyoMaN Don Pulayao
