Gipaklaro ni Atty. Leo Zaragoza nga wala siya’y kasuko ngadto ni City Mayor Celso Regencia ug personal niya nga desisyon ang pagluwat sa katungdanan isip city administrator sa Iligan.
Dili lang boot ni Zaragoza nga makaligis niadtung mga so-od ug dool sa mayor sa iyang mga gihimong lakang karon alang sa pagpalambo sa dakbayan sa iligan.
Gipasalig ni Zaragoza ngadto sa kapin syetenta mil ka mibotar sa nakalabay’ng eleksyon ngadto ni Regencia nga pabilin niya kining suportaan bisan ug wala na siya’y gihuptan nga katungdanan sa city hall.
Matud ni Zaragoza nga ang positibong panlantaw ni Regencia ug adunay political will mao’y rason kun nganong pabilin niya kining gisuportaan.
Facebook Comments
