Kanhi drug pusher arestado sa buy bust

58

Davao City- Arestado ang usa ka drug pusher atol sa gilusad nga buy bust sa Talomo PNP uban ang kapolisan sa Sta Ana diin gilusad ang operasyon sa may Brgy. Leon Garcia ning dakbayan.

Suspek mao si Krister James Dela Cerna, 34 anyos, residente sa Pluto St.Victoria Hieghts Subd. Lanang, Davao City.


Positibong napalitan ang suspek og usa ka putos nga pinaugang dahon sa marijuana kambiyo ang buy bust money.

Narekober sa kapolisan ang laing duha ka putos nga pinaugang dahun sa marijuana nga gibana banaang mukantidad og 1,500.00 pesos, usa ka scooter nga single nga motorsiklo ug usa ka unit sa cellphone nga maoy gigamit sa suspek sa illegal nga transaksiyon.

Subay sa monitoring sa kapolisan ang suspek kanhi nadakpan sa gilusad nga buy bust operation sa Sta Ana ug nakuhaan ogg shabu.

Ang dinakpan balhug na sa Talomo Pnp ug mag atubang og kasong kalapasan sa R.A 9165 kun Comprehensive Dangerous Drugs Act of 2002.

RadyoMan Don Pulayao




Facebook Comments