Kapin 3K Davao Police ideploy sa Kalag-kalag 2019

92

Davao City – Gipangandaman na sa kapulisan ang umaabot nga Kalag-kalag karong tuiga nga mao ang Oplan Kaluluwa 2019.

Sumala ni Davao City Police Office (DCPO) spokesperson P/Cpt. Nolan Tagsip, nakig koordinar na sila sa ubang mga security clusters sama sa Task Force Davao, BFP, Maritime ug uban pa.


Segun ni Tagsip nga dunay 2,000 ka mga personahe ang ilang i-deploy dugang ang mokabat 1000 ka mga augmented forces gikan sa Police Regional Office 11.

Batbat niini nga magpahigayon pa sila og final conference diin disto mahibaloan kung kanus-a kini ipang deploy.

Samtang gi-awhag sa maong tigpamaba ang publiko ilabi na ang dunay plano nga manglimpyo sa mga pantyon nga buhaton kini pipila ka adlaw una ang Kalag-kalag gumikan hugot nga idili ang mahait nga hinagiban diha sa mga sementeryo susama sa nahitabo sa milabay’ng katuigan.

Samtang gipahinumdoman sa PRO-XI ang tanang provincial ug city directors labot sa ilang mga implementation plan sa Kalag-Kalag aron maproseso nila ang augmentation forces gikan sa RMFB.

Magmontar usab og Public Assistance Desks (PADs) ang kapulisan aron makapanerbisyo panahon sa emerhensiya diha sa kinatibuk-ang 260 ka mga pribado ug pampublikong sementeryo sa Rehiyon 11.

RadyoMaN Jason Amisola

Facebook Comments

From Advertisers