Kanhi kapitan sa barangay, patay human gipusil atubangan mismo sa iyang anak nga maoy kasamtangang barangay barangay chairman sa Marawi City

40

Patay ang kanhi kapitan sa usa ka barangay sa Marawi City dihang gipusil kini sa wala mailang suspek, pasado alas-5:00 sa hapon niadtong Sabado, Septembre 14, atubangan mismo sa ilang gipuy-an sa Barrio Green, Marawi City.

  Giila ni Colonel Madzgani Mukaram, hepe sa Lanao del Sur Provincial Police Office, ang biktima nga si Carlou Ala, 49 anyos, incumbent barangay councilor sa Barangay South Madaya diin nagsilbi usab kini nga chairman sulod sa kapin napulo ka tuig.


  Ang pamilya ni Ala kasamtangang nagpuyo sa balay sa usa ka paryente sa Barrio Green tungod kay naguba ang ilang pinuy-anan sa Barangay South Madaya nga naa sulod sa most affected area dihang nahitabo ang Marawi siege niadong 2017.  

Sa kasamtangan, ang 18 anyos nga anak niining si Faykha Ala ang naglingkod isip barangay chairman sa South Madaya human midaug niatong 2018 barangay elections.  

Sa imbestigasyon sa pulis, nagpahulay samtang nag-istorya atubangan sa ilang gipuy-an ang biktima ug ang anak niining si Faykha dihang kalit nga miabot ang duha ka nag-motorsiklo.  

Kalit nga gipusil si Ala sa nag-backride ug naigo sa iyang dughan nga maoy hinungdan sa iyang kamatayon.  

Matud pa ni Mukaram, rido o family feud ang ilang unang gitan-aw nga motibo sa pagpamusil.

*photo from the web

Facebook Comments

From Advertisers