Kanhi kapitan sa Lagtang Talisay gipatay

264

Wa nay kinabuhi nga napalgan ang kanhi Barangay Kapitan sa Lagtang Talisay nga si Marc Ferdinand “Dindin” Bas sa iyang giabangan nga pinuy-anan sa Sitio Dumlog , Barangay Simala lungsod sa Sibonga .

Si Bas nagkulob sa sawog sa ikaduhang andana sa iyang giabangan nga pinuy-anan sa maong lugar dihang nakit-an kini sa iyang live –in partner pag-abot niini kaganinang pasado alas 6:00 sa buntag .

Ang caretaker sa balay nga si Jocelyn Billones nibutyag nga pasado alas 11:00 kagabii nakadungog na lang siya nga adunay naglagubo sa sud sa balay ni Bas ug paglabay sa pipila ka minute buto-buto sa armas na usab ang iyang nadunggan.

Sa iyang kahadlok wa gyud siya mangosyoso kung unsay nahitabo, ug nasayran na lang kaganinang buntag Oktobre 8 nga gipatay ang kanhi barangay kapitan.

Si Bas maoy amahan sa 23 anyos nga Barangay Kagawad sa Lagtang nga si Art Stephe Bas niadtong Hulyo 20 diha sa SRP samtang padung na kining mosud sa tunghaan .

Si kanhi Kapitan Bas, pyansado usab human nakuhai ug arnas ug iksplosibo sa dihang gironda kini sa iyang panimay sa Abril sa niaging tuig sa Talisay.

Facebook Comments