Mga boksidor sa Cagayan de Oro, gihatagan og 1 million pesos nga boxing equipment

PC: RadyoMaN Joanna Ricote

Giturn-over kagahapon sa lokal nga kagamhanan sa Cagayan de Oro City ang 1 million pesos nga mga boxing equipment alang sa mga boksidor sa syudad.

 

Kini human nangayo si Mayor Oscar Moreno sa tabang gikan sa MVP Sports Foundation niadtong March 2018.

 

Mahinumduman nga nagsugod ang suporta ni Mayor Oscar Moreno niadtong tuig 2005 pinaagi sa sports fest o amateur boxing kung asa gobernador pa kini sa Misamis Oriental.


 

Usa sa mga giatiman nga boksingero ni Mayor Moreno mao silang Carlo Paalam nga nahimong 1st Asian Gold Medalist sa natad sa boksing, Pagara Brothers ug Milan Milendo.

 

Sa karon niabot na sa kapin 50 ka mga boksingero ang nipaubos sa maong programa.

 

Kagahapon, giturn-over ang mga boxing equipments, boxing ring ug cash nga one million pesos gikan sa MVP Sports Foundation ug Association of Boxing Alliance in the Philippines.

 

Samtang, plano sa lokal nga kagamhanan nga ibalhin sa Barangay Lumbia ang boxing gym sa mga boksingero ning dakbayan.

Facebook Comments