Napalgang patay ang kanhi konsehal sa dakbayan sa Mandaue sud sa lawak sa usa ka beach resort sa Barangay Liloan , lungsod sa Santander, habagatang bahin sa Sugbu kaganinang alas 7:00 sa buntag .
Ang imbistigador sa Santander Police Station nga si SPO1 Leonixto Solon nibutyag nga usa ka paryente ang niila sa patay`ng lawas ni kanhi konsehal Beethoven “Toben” Andaya nga napalgan na lang diha sa sawog sa lawak ug nagkadugo.
Usa ka .9mm nga armas ang napalgan usab dool sa patay`ng lawas ni Andaya .
Matud ni Solon ang mga nagtrabaho sa Santander Peebles Beach Resort ingon man ang nag-istar usab nga guest sa pikas lawak way nadungog nga buto sa armas gikan sa kuwarto nga giokopahan ni Andaya.
Nidagan si Andaya sa pagkabise mayor sa dakbayan sa Mandaue sa niaging 2016 nga eleksiyon apan napildi .
Nagpadayon ang imbistigasyon sa kamatayon ni Andaya.
