Gi imbitahan sa taga Criminal Investigation and Detection Group (CIDG) ang mayor sa Pantar, Lanao del Norte, kagahapong adlawa human gi raid ang panimalay niini sa bisa sa search warrant.
Gipangunahan sa mga operatiba sa CIDG Iligan City-Lanao del Norte, Pantar Municipal Police Station, PNP Special Action Force ug 4th Mechanized Infantry Battalion, Philippine Army, ang pag raid sa residential compound ni Malik Alingan sa Barangay Poona Punod, alas 2 sa kadlawon niadtong Miyerkules.
Duha ka two-storey nga panimalay ang anaa sa compound: Usa nga gipanagiyahan sa iyang mga anak ug ang usa nga gipanagiyahan ni Alingan.
Ang maong search warrant giisyu pinaagi ni executive judge Alberto Quinto sa Regional Trial Court (RTC) Branch 21, sa Kapatagan, Lanao del Norte, human nga nakitaan sa korte ang “good and sufficient reasons to believe” nga si Alingan nakalapas sa Republic Act 10591 o ang Comprehensive Law on Firearms and Ammunition.
Si Police Major Jomar Penullar, officer sa CIDG, miingon nga si Alingan giimbitahan ngadto sa ilang opisina aron sa pagpatin-aw ug pagtubag sa mga pangutana human nga nakuha sa mga operatiba ang usa ka caliber .45 nga dunay magazine ug dunay sulod nga napulo ka mga buhing bala ug laing duha ka magazines, mga nagkadaiyang bala gikan sa usa sa mga kwarto sa panimalay sa iyang anak nga babae.
Walay nakita ang CIDG nga unsa mang armas gikan sa balay ni Alingan.
Matud sa magsuong Alingan, kinsa present sa dihang gihimo ang maong operation, nga ang maong panimalay gipanagiyahan sa ilang igsuon nga si Leonor, kinsa naminyo sa usa ka nagngalang Nader Cabatua, apan tua na kini nanimuyo sa Bacolod City sulod na sa napulo ka tuig.
Si Alingan nahimong mayor sa Pantar sulod sa 20 ka tuig sugod niadtong 1992. ang iyang termino natapos niadtong 2006.
Ang anak niining si Lianera Alingan-Usman, usa usab sa napulo ka mayoralty candidates nga mudagan sa May 13 elections. Si Usman midagan ilalum sa United Nationalist Alliance (UNA).
