kanhi mi eskapo sa Zamboanga del norte Zeformatory Center sa lungsod sa Manukan patay sa operasyon kagahapon

Patay ang usa ka indibidwal kinsa mi eskapo kaniadtong Enero 7, 2019 gikan didto sa Zamboanga Del Norte Reformatory Center sa lungsod sa manukan.

Kahinumduman si Roger M. Gumial mi ambak kini sa luyong bahin sa nahisgutan nga prisohan apan kagahapon lang na hibaw-an nga anaa kini nag tago sa lungsod sa katipunan, ZDN.

Dali nga naghimo ug pursuit operation ang kapulisan sa maong lungsod sa pagpanguna ni PCI Nestor Moit Gania Jr uban sa personahe sa Zamboanga del Norte Provincial Jail, ug sa AFP didto sa Brgy. Dabiak, katipunan nga 5:30AM.


Positibo nga nakita sa mga operating team si Roger didto mismo sa pinuy-ana sa iyang ugangan. Apan sa dihang nakabantay kini si Roger misulod kini sa balay sa iyang ugangan ug nagbitbit na kini sa Granada ug kutsilyo nga iya kining gi bandera ngadto sa kapulisan nga nakapalibot sa maong balay.

Iya pang gihulga ang mga tinugyanan sa balaod nga iyang ibtan ug pin ang Granada ug ilabay ngadto sa operating team, hinungdan nga gipusil kini sa usa sa mga tinugyanan sa balaod ug maayong pagkaigo niini sa iyang agtang nga maoy hinungda sa iyang diha-diha nga kamatayon.

Sa pagkakaron ang patayng lawas ni Roger Gumial anaa na karon sa iyang pamilya alang sa pagpahiluna.

Facebook Comments