Kanhi Miss Universe 2010-4th Runner Up Venus Raj, mibisita sa Misamis Oriental

28
PC: Misamis Oriental PIO

Gi-abiabi sa pamunoan sa Misamis Oriental pinaagi ni Gov. Bambi Emano uban ni Provincial Youth Development Officer Ms. Allyn Peñalosa ug Provincial SK Federation President Kerwin Soldevilla ang Team “NotAlone” nga giunhan ni Ambassadress Maria Venus Raj kinsa kanhi Miss Universe 2010-4th Runner Up.

 

Tumong sa ilang pagbisita mao ang pagpahibalo sa programang #NotAlone diin plano nilang magpahigayon og seminar alang sa mga Grade 8 students lakip na mga magtutudlo ug ginikanan.


 

Ang mga hisgutanan niini nakasentro sa relasyon, bullying, depression, suicide, early teenage pregnancy ug uban pang common nga problema karong panahona.

 

Alayon niini, gihangyo sa grupo si Gov. Emano nga mu-indorso kanila sa DepEd-MisOr alang sa approval nga makapahigayon og mga seminar sa nagkadaiyang pampublikong tunghaan sa lalawigan.

 

Diretso usab nga gi-aprubahan sa gobernador ang hangyo sa team “NotAlone”.

Facebook Comments

From Advertisers