Northern Mindanao, naapil sa mga rehiyon nga dunay taas nga kaso sa dengue

13

Gideklarar ni Health Secretary Francisco Duque III ang National Dengue Alert tungod sa taas nga kaso niini sa pipila ka mga rehiyon dinhi sa nasud.

 

Ang mga rehiyon nga dunay taas nga kaso sa dengue gilangkoban sa MIMAROPA, Western Visayas, Central Visayas ug Northern Mindanao.


 

Samtang, padayong gimonitor sa mga personahe sa DoH ang sitwasyon sa ubang rehiyon ug gisuta sa mga regional office ang basehan sa pagdelarar og localized epidemic sa matag barangay.

 

Nasayran nga sugod sa Bulan sa Enero hangtud Hunyo ning tuiga, dunay pinakataas nga kaso sa dengue ang Western Visayas diin mikabat sa 13,164 ang nataptan, 11,474 sa CALABARZON, 9,199 sa Central Visayas , 9,107 sa SOCCSKSARGEN ug 8,739 dinhi sa Northern Mindanao.

 

Sa kinatibuk-an, mikabat na sa 106,630 ang nataptan sa maong sakit dinhi sa nasud diin mas mitaas kini sa 85 porsyento kumpara sa miaging tuig.

Facebook Comments

From Advertisers