Midsalip, Zamboanga del Sur – Nag-unay pagkutlo sa iyang hinulaman nga kinabuhi sulod sa iyang pinuy-anan ang 56-anyos nga kanhi sakop sa militar didto sa Purok 5, Poblacion B sakop sa lungsod sa Midsalip niining probinsya sa Zamboanga del Sur.
Alas 4:45 sa hapon, patay nang napalgan ang biktima nga CANDIDO RATILLA GOMEZ JR., lumulupyo sa nahisgutan nga lugar.
Ang pag-umangkon mismo sa biktima nga si ALFREDO GOMEZ JR., ang nitaho ngadto sa tropa sa Midsalip Municipal Police Station.
Sa pagresponde sa kapulisan, nakit-an ang biktima nga dunay higot sa liog nga maoy gitumbok nga hinungdan sa kamatayon niini.
Sa pamahayag sa mga silingan, namatikdan nila nga kanunay’ng magul-anon ug masulub-on ang biktima nga posibleng maoy rason sa iyang paghikog.
