Arestado ang mag-asawa nga Claire kag Richard Diaz sang Tanza Bonifacio, City proper matapos ginpaidalum sa buy bust operation sang Mandurriao PNP mga alas 7 subong nga gab-i.
Narecover sa mga subject ang 11 tanan ka sachet sang suspected shabu kag buy bust money nga 2,500 pesos.
Suno sa mga operatiba sang Mandurriao PNP nga ang asawa nga si Claire Diaz amo gid ang nagabaligya sang illegal nga druga kag nagahiwat sang drug operation sa Smallville area.
Ginpahayag nga una nga nagsugtanay ang subject kag ang poseur buyer nga maga-transaksyon sa Barangay San Rafael apang nagbaylo sang lokasyon sa Barangay Bonifacio City proper.
Gindugang pa nga nagakuha sang supply sang illegal nga druga ang babaye sa banwa sang Estancia, Iloilo.
Facebook Comments
