Ang rebelding New Peoples’ Army (NPA) maoy gitumbok sa kwerpo sa kapulisan nga nipatay sa kanhi nila kauban kinsa misurender sa mga otoridad didto sa Tadang city, Surigao del Sur.
Giila ang biktima nga si Jojo Sabelino, 30 anyos, lima ka tuig na ang milabay human misurender sa walhong kalihukan ug residenti sa Brgy. Buenavista, Tandag city, Surigao del Sur bandang alas 11:30 ang takna sa udto.
Gikabutyag nga babaye’ng NPA ang mipusil patay sa biktima sa makadaghang higayon igu sa nagkadaiyang parti sa kalawasan ug maoy hinungdan sa iyang kamatayon.
Nagtoo ang mga otoridad nga gipatay ang biktima aron dili makatug-an labot sa kalihukan sa rebelding grupo.
Subay niini gikondina ni P/BGen. Joselito Esquivel, Jr regional director sa PRO 13 ang krimen nga gihimu sa mga NPA.
[image: tandag killing.jpg]
