Labangan, Zamboanga del Sur – Migraduwar na kagahapon sa 1st Infantry Tabak Division Philippine Army ang 736 ka mga bag-ong miyembro sa armadong kusog sa nasud .
Ang seremonya gitambongan sa halos sa 4,000 ka indibidwal apil na ang matag pamilya nga miduyog sa kalampusan sa mga bag-ong migraduwar.
Gipahayag ni Major Ronald Suscano ang Dividion of Public Affairs officer, nga nag sugod ang ilang training niadtong bulan sa disyembre diin mikabat lang sa upat kabulan ang ilang training, mas gipadali kung ikumpara niadtong mga nangaging batch nga miabot sa unom kabulan ang pagbansay-bansay.
Apil sa mga nitapos ang kanhi duha ka mga miyembro sa New People’s Army (NPA) nga sila si Private Arnold Lumangcag ug Private Gerald Bati-on nga mibalik na sa sabakan sa gobyerno og misulod sa pagka miyembro sa armadong kusog sa Pilipinas.
Sa pagkakarun gihatagan pa sila sa usa ka semana ang mga bag-ong inhuman pag pa-uli sa ilang tagsa- tagsa ka mga pinuy-anan aronmakauban ang ilang pamilya. Human unya niaana ilabay na sila sa tagsa-tagsa ka mga battalion base sa lugar diin sila madistino.
Giawhag usab ni Suscano ang anaa sa walhong grupo, sa pagbalik na sa sabakan sa balaod aron mapahimuslan ang mga maaninddot nga mga programa sa gobyerno sama sa gihimo nilang Lumangcag og Bation nga kanhi NPA apan karun miyembro na sa Philippine Army.
