Davao City – Arestado sa buy bust operation sa San Pedro PNP ang 42 anyos nga lalaki nailang Franke Villamor, residente sa Sto. Domingo, Dumanlas, Buhangin Davao City, human napalitan sa kapolisan og droga sa ilang operasyon sa Magallanes St., Brgy 2-A Poblacion, alas 7:00 sa gabii ug nakuhaan og usa ka sachet nga shabu kambyo ang P1,000.00 buy bust money.
Narecober sa kapolisan ang laing 17 ka elongated heat sealed transparent plastic sachet nga gituohang shabu ug usa ka medium square size heat sealed transparent plastic sachet nga gituohang shabu.
Lakip nakompiska ang usa ka cellphone nga maoy gigamit sa illegal nga transaksiyon ug mga drug paraphernalia. Sumala pa, kanhi piniriso sa Maa City Jail ug nadakpan sa San Pedro PNP niadtong tuig 2016 ug nakagawas niadtong July 19, 2019.
Sa pikas bahin, hingpit nang nasapakaan og kaso sa Sasa Police Station, ang negosyante nga nagpayuhot sa iligal nga droga sa area of responsibility sa Presinto 4. Kasong kalapasan sa Republic Act 9165 (Comprehensive Dangerous Drugs Act of 2002) ang giatubang nga asunto ni Sherwin Fernando, residente sa Rizal Ext., Davao City. Nakuha gikan sa akusado ang usa ka pakete sa shabu, 500 pesos nga mark money ug cellphone atol sa buy-bust operation nga gihimo sa Panacan ning dakbayan alas 10:00 sa kagabhion.
Lakip usab sa kaso ang kauban niini nga si Querobin Locsin, 25 anyos, dalaga ug nagpuyo sa El Rio Vista, Davao City.
RadyoMaN Don Pulayao / Joel Viray
