General Santos City—Blangko lamang gihapon hangtod karon ang kapulisan sa Polomolok South Cotabato sa pag-ila sa mga suspek nga mipusil sa usa ka kanhing presong babaye kaniadtong milabayng adlaw sa may National Highway Purok Magalong Barangay Pagalungan Polomolok South Cotabato.
Subay sa nahagpat nga report sa RMN Gensan giila ang biktima nga si Syril Mae Morales Ciudad, 30 anyos, dalaga, og residente sa may Adelfa Street Barangay Poblacion Polomolok South Cotabato.
Milutaw sa imbestigasyon sa kapulisan nga gikan ang biktima sa panimalay sa iyahang higala apan sa dihang pauli na kini kalit lamang nga miabot ang riding in tandem criminals og gipusil ang dalaga igo sa iyahang dughang og ulo nga bahin hinungdan nga nagpabilin pa karon sulod sa ospital.
Dugang pa nga ang biktimang si Ciudad ang kanhiay na preso sa Pendatun Police Station General Santos tungod sa kasong paglapas sa Republic Act 9165 kon iligal nga droga. (Emir Bariquit)
