Davao City – Subling naaresto sa awtoridad ang usa ka babaye gumikan kini sa pagpayuhot og iligal nga droga.
Migula sa imbestigasyon nga alas-4:10 sa kahaponon niadtong Agosto 24, 2019 naglusad og buy-bust operation ang PDEA ug San Pedro PNP sa Purok 7, Trading Boulevard, Brgy. 37-D, Davao City nga miresulta sa pagkasikop ni Reizel Joy Bolingkit, 24 anyos, estudyante ug residente sa nahisgutang lugar.
Narekober sa suspetsado ang P13,000 nga boodle money, gituohang 1.4 gramos sa shabu nga nagkantindad og P19, 000 ug ubang drug paraphernalia.
Sumala ni PRO-XI Regional Director PBGen. Marcelo Morales, Setyembre 15, 2015 nasikop usab sa gilusad nga buy-bust operation ang maong suspetsado ug naka-avail og plea bargaining alang sa mas gamay nga salaod diin kini gibuhian lang niadtong Disyembre 2018.
Kasong paglapas sa Section 5 ug 11 sa RA 9165 kun Comprehensive Dangerous Drugs Act of 2002 ang atubangon sa maong suspetsado.
RadyoMaN Jason Amisola
