Davao City – Arestado sa kapulisan San Pedro ang usa ka laborer nailang Vincent Fernin, alyas Bensoy, 25 anyos residente sa Datu Bago St., Bankerohan, Brgy. 5-A, Davao City.
Sumala pa nadakpan ang suspek atol sa gikasang buy bust operation pasado alas 2:00 sa kaadlawon didto sa Emillio, Jacinto Ext., Brgy.10-A ning siyudad human napalitan ang suspek og usa ka sachet nga gituohang shabu kambiyo ang P3,000 nga buy bust money.
Nakuha sa dinakpan ang laing lima ka managlahing sachet sa shabu nga mikantidad og P126,000.00 nga mutimbang og kapin 20 ka gramo, usa ka single motorcycle, usa ka cellular phone nga maoy gigamit sa illegal nga transaksiyon.
Subay sa monitoring sa kapolisan ang suspek kanhi nadakpan sa Sta Ana Pnp ug nabalhug sa Maa City Jail niadtong tuig 2014 apan nibalik kini sa pagpamaligya ug droga rason sa subling pagka aresto niini.
Ang dinakpan nga si Fernin priso na sa selda sa presinto dos ug mag-atubang og kasong kalapasan sa Akta Republika 9165 kon Comprehensive Dangerous Drugs Act 2002.
RadyoMan Don Pulayao
