Kanhi rebelde nga dunay kasong Destructive Arson, arestado

Davao City – Gikustodiya na sa Talaingod Municipal Police Station (MPS) ang usa ka batan-on nga nadakpan atol sa Manhunt Charlie Operation Purok 4, Barangay Sto. Niño, Talaingod Davao del Norte alas 9:00 sa buntag, November 28, 2023.

Sa report sa Talaingod MPS, ang suspek mao si alyas Adan, 25 anyos, taga Brgy. Dagohoy, Talaingod, Davao Del Norte nga kanhi miyembro sa Communist Terrorist Group (CTG) isip Giyang Pampulitika (GP) sa Iskwad Segunda, Platun Andoy, Sub-Regional Guerilla Unit (SGRU), SRC5, Southern Mindanao Regional Committee (SMRC).

Ang maong warrant giisyu ni Hon. Sharon Saracin, Presiding Judge, RTC Branch 30, 11th Judicial Region, Tagum City, Davao del Norte, diin ang suspek adunay kasong Destructive Arson nga adunay girekomendang pyansa nga P120,000.

Panawagan sa kapulisan sa publiko nga padayong nga mutabang sa mga kampanya sa otoridad batok sa kriminalidad aron hingpit nga mapakgang ang mga iligal nga binuhatan ug mapanubag ang mga responsableng indibdiwal.

RadyoMaN Kirby Manzon