Swab testing, padayong gipatuman sa SPMC alang sa mag aduna’y sintomas sa COVID19

Davao City- Hugot gihapon nga gipatuman sa Southern Philippine Medical Center (SPMC) ang swab testing alang sa mga aduna’y sintomas sa Corona Virus Disease (COVID-19).

Sa pakighinabi sa DXDC RMN Davao kang Dra. Marie Yvette Barez, Infectious Disease Specialist and Chair sa SPMC’s Infection Prevention and Control Unit, iyahang gibutyag nga aduna gihapo’y mga COVID-19 patients ang SMPC apan dili na sama kadaghan kaniadto.

Gipasabot niya nga kadto lamang aduna’y gibating sintomas sama sa ubo, trangkaso ug pagsakit sa tutunlan ang i-swab ug wala na’y labot kadtong mga pasyenteng admitted sa lahi nga mga balatian.

Subay niini giawhag sa doktora ang publiko nga kanunay sundon gihapon kung unsa man ang health protocols tungod ang tanan dili na gusto mubalik sa kalisod nga nasinatian panahon sa pandemic ilabi na nga uso na sab ang flu sa holiday season.

“COVID did not disappear, naa gihapon si COVID. It’s just that na-contain nato so less na. Pero kung dili man gud nato i-practice gihapon ang mga protocols to avoid the spread of it, tapos naa kay symptoms, so pwede siya mag-outbreak na pud ta. Di man ta gusto ana,” matud ni Dra. Barez.

RadyoMaN Ivy Parido