Gipangunahan ni MGen. Allan Hambala, Commander sa 10th Infantry Division ang pagpresenta sa napulo (10) ka mga NPA kinsa mi-surrender sa ilang kaugalingon ingon man sa ilang mga armas atol sa press conference sa 48IB sa Maramag, Bukidnon gahapon, April 30, 2024.
Sumala pa sa usa ka sa surrenderee nga si Alyas Roxie, nakadesisyon siyang mutahan tungod dili matud pa sayon sa kalihukan. Anaa ang kagutom ug sakripisyo nga wala na nakauban ug naatiman pa ang pamilya sa taas nga panahon. Ug gusto niyang manimuyo kauban nila nga malinawon.
Giangkon pa niya nga nakabig siya nga muapil sa kalihukan tungod sa kapobrehon ug sa propaganda nga daw sila wala giatiman sa gobyerno, sila gipahimuslan ra sa mga adunahan ug mituoo nga muuswag ang katilingban pinaagi sa rebolusyon.
“Malinawon na mi karon kay naa nag gobyerno, naa ang military nga midawat sa amoa ug wala mi gipasakitan. Malinawon name kay makatarong na mi og tulog kay puhon, sunod adlaw, makauban na namo among tagsa-tagsa ka pamilya,” pamahayag pa ni Alyas Roxie.
Subay niini, nagpaabot sab og mensahe si MGen. Hambala nga bisan lisod, paningkamutan nila nga mamintinar ang kalinaw nga wala nay ni bisan using lihok sa teroristang grupo.
RadyoMaN Ivy Parido
