Davao City- Ayha pa gipatay ang usa ka kanhi sundalo kaganinang buntag, sumala pa nakadawat kini og death threats gikan sa alleged New People’s Army kun NPA.
Sa interview sa DXDC RMN Davao sa Mintal PNP, sa ilang report, sigun sa anak sa gipusil-patay kaganinang alas 7:45 sa buntag nga Chief Security Guard sa San Lorenzo Farm ug retired Philippine Army, TSGT Remegio Claonan Milla, 57 anyos, minyo ug residente sa Prk 13, Crossing Quarry, Brgy Tugbok District, Davao City, nakadawat og daghang death threats ang iyang amahan gikan sa alleged NPA kalabotan sa iyang trabaho.
Dugang sa Mintal PNP, pauli na unta ang biktima sakay sa iyang single nga motorsiklo sa dihang duha ka wala mailhing lalaki sakay usab sa usa ka single nga motorsiklo ang nipusil kaniya sa makadaghang higayon igo sa iyang ulo ug lawas hinungdan sa kamatayon ni Milla.
Narekober sa crime scene ang unom ka bala sa gituuhang .45 caliber ug duha ka deformed slugs diin i-turn over kini sa PNP Crime Lab alang sa eksaminasyon.
Sa karon, padayon pang ginaimbestigahan sa kapulisan ang maong insidente samtang gidala na ang patyang lawas sa biktima sa Angel Funeral homes, Calinan District, Davao City.
RadyoMan Renz Barbarona
