Patay ang usa ka kanhi sundalo human nakigpinusilay sa usa ka retiradong pulis sa Barangay Canitoan ning syudad sa Cagayan de Oro pasado alas otso kagahapon sa buntag.
Ang napatayng kanhi sundalo giilang si Michael Socatre, legal age, taga Barangay Patag, Cagayan de Oro.
Samtang ang retiradong pulis giilang si Amiel Petallo, 46 anyos, minyo ug nagpuyo sa Kisanlu Subdivision, Barangay Iponan ning syudad.
Nasayran nga nipalit sa Talipapa ang retiradong pulis sa dihang kalit nga niabot ang nakabonnet nga kanhi sundalo ug gipusil ang retiradong pulis pero swerteng wala nibuto ang armas.
Nakadagan pa ang retiradong pulis paingon sa iyang sakyanan ug gikuha ang iyang armas busa nakabalos kini og pabuto.
Naigo sa ilok ug dagway nga bahin ang kanhi sundalo nga maoy hinungdan sa iyang kamatayon.
Sa karon, gisuta pa sa kapulisan ang motibo sa sulay nga pagpatay sa maong retiradong pulis.
