Davao City- Patay ang kanhi sundalo sa dihang nakigpinusilay sa ginsakpan sa Davao Del Norte Provincial Drug Enforcement Agency Regional Office XI, kauban ang Tagum City Police Office sa dihang giimplementar ang search warrant kagahapon alas 2:45 sa hapon sa Block 15, Lot 3, Camella Homes, Barangay Visayan Village, Tagum City , Davao del Norte batok nila ni Maria Shalika Cheng February, alias Madam, 39 anyos ug Roel Valcurza Sahiron, alias Tatoy, 32 anyos, kanhi membro sa Philippine Army.
Sumala sa report sa dihang gitunol na ang search warrant gilayong mibunot sa iyang .38 kalebring rebolber ug nakigpinusilay sa mga operatiba nga miresulta sa iyang kamatayon.
Narecover sa kapolisan ang unom ka mga gagmay’ng sachet sa shabu nga dunay gibug-aton nga tres gramos ug dunay street value nga 45,000.00 pesos, walo (8) ka tabletas nga Pseudo Ephedrine, nagkadaiyang drug paraphernalia, .22 kalebring rebolber ug .38 kalebring rebolber nga dunay mga bala. Si Sahiron, usa sa Notorius Drug Perpetrators nga naglihuk sa syudad sa Tagum.
Samtang si February, detenado karon sa Phil.Drug Enforcement Agency Regional Office XI, aron pasakaan og kaso isip kalapasan sa Republic Act 9165 (Dangerous Drugs Act of 2002 ug Republic Act 10591 (Comprehensive Firearmas and Ammunition Regulation Act).
RadyoMan Bernard Pantallon
