Kanhi vendor sikop sa illegal drug operation sa kapulisan

Sikop sa gihimong illegal drug operation sa kapulisan sa presinto 5 karong hapon sa purok 4 barangay saray ang kanhi vendor.

Giila ang suspect nga si Hanilo Iglesias, 31 anyos ug lumolopyo sa maong lugar.

Nakunpiska gikan sa suspect ang pito ka gagmay ingon man usa ka medium size sa sachet sa gituho-ang shabu lakip ang 500 pesos nga buybust money.

Saysay sa suspect nga gumikan sa kalisod ug kawad-on sa trabaho nabuhat niya ang pagpayuhot sa illegal nga druga.

Kasamtangang anaa sa kustodiya karon sa kapulisan sa presinto singko ang suspect samtang andam na ang kasong ipasaka batok kaniya.