Lambayong, Sultan Kudarat – Nakabsan gyud sa iyang kinabuhi ang kanhing Vice Governor sa Sultan Kudarat human kining gipusil sa wala pa mailhing suspek sa National Highway sa Barangay Bilumen, Lambayong, Sultan Kudarat nga nahitabo ala 1:00 ang takna sa hapon kagahapong adlawa.
Giila ang namatay nga si Rolando “Rolly” Recinto.
Nasayran nga gimanihuan sa biktima ang iyang pick-up truck gikan sa Tacurong City apan pag-abot sa may Barangay Bilumen, didto na kini gipusil sa duha ka mga suspetsadong nakamotorsiklo.
Nakaangkon ug daghang samad sa lawas ang biktima human sa pagpamusil, gidala pa sa pinakaduol nga hospital ang biktima apan gideklara kining dead on arrival.
Paspas usab nga misibat ang suspek sa wala sayring lugar human sa insidenti.
Si Recinto ang kanhi usab nga mayor sa Lambayong Sultan Kudarat. Sa kasamtangan nagpadauyon pa ang gihimong imbistigasyon kalabutan sa maong insidente.
