Malita, Davao Occidental- Giambush ang kanhing board member sa probinsiya sa Davao del Sur natigayon alas 5:30 sa hapon sa Barangay Kilalag Malita Davao Occidental.
Sa report gikan sa Malita Police Station nasayran ang biktima mao si Alberto Baliota II, hingkod ang edad residente sa nasangpit nga lugar.
Inisyal nga imbestigasyon nga gilusad ni Police Officer 2 Rolly Conat sa Malita PNP, nasayrang pauli ang biktima padulong sa Centro Poblacion Malita gikan sa Barangay Dimolok apan pag abot sa nahisgotang barangay kalit girakrakan sa wa mailhing suspetsado gamit ang wa matino nga kalibreng armas.
Resulta maayong pagkaigo sa walang tiil ang biktima human natusaktusak og unom ka bala ang walang bahin sa iyang sakyanan.
Human sa hitabo, ang biktima daling gidala sa Digos Doctor’s Hospital ug anaa na sa maayong kondisyon.
Blanko pa ang kapulisan kung unsa ang motibo sa pag ambush sa biktima.
Kasamang Don Pulayao
