*General Santos City— Hingpit ng nag-file ug Certificate Of Candidacy si kanhing Congressman Pedro Acharon para pagka-kongresista sa dakbayan sa Gensan.*
*Sumala niya nga ang maong desisyon ang nahimo sa tibuok partido ug suportado matud pa kini sa iyahang pamilya kung asa pamaagi matud pa niya kini aron nga tubagon ang hangyo ug handum sa katawhan.*
*Saysay niya nga sayud na siyang daan nga adunay daghang isyu sa iyaha ng pagfile ug COC apan iyaha matud pang ikalipay higayon nga kini masulbad na sa COMELEC ug sa korte suprema.*
*Dugang pamahyag ni Acharon nga kwalipikado siya sa pagpapili sa maong posisyon ug iyaha matud pang gina-respeto ang unsa man ang opinyon sa iyahang mga kontra.*
*Dako man usab ang iyahang pagtuo nga walay makonsiderang political greed sa iyahang kabahin sa pagpapili sa maong posisyon u gang katawhan man maoy muhukom niini.*
*Sama matud pa sa ubang pulitiko nga pipila na kadekada ng nagserbisyo gumikan nagustuhan sa katawhan ang ilahang pagpanirbisyo ug dili kini usa ka matang nga paghinakog sa posisyon.*
