KORONADAL CITY – sikop ang usa ka kanhing empleyado sa gobyerno sa gilusad nga illegal drug buy bust operation sa Koronadal City Drug Enforcement Unit, City Anti-Drug Abuse Council og Koronadal City PNP pasado alas 10:30 sa gabie sa may Agan Home, Barangay Sta. Cruz, Koronadal City kagahapong adlawa.
Subay sa report giila ang dinakpan ni CADAC Action Officer Glorio Sandig nga mao si Ellan Canete Barnuevo “alyas S-A”, 33 anyos, ulitawo, self-employed og residente sa maong dapit.
Nakuha sa posisyon sa suspect ang 1 ka medium pack og 5 ka open sachet sa gituohang shabu, 2 ka disposable lighter, aluminum foil, sealant, gunting ingon man ang 500 pesos nga buy bust money.
Ang dinakpan ang kanhiay empleyado sa Comelec apan mipahawa tungod sa paglambigit niini sa iligal nga droga. Sa pagkakaron ang suspek nga si Barnuevo ang mag atubang sa kasong paglapas sa Republic Act 9165 kon Comprehensive Dangerous Drugs Act of 2002.
